მართვის მოწმობის კატეგორიები
მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-ს №598 ბრძანებისა და საგზაო მოძრაობის კანონის მიხედვით.
სატრანსპორტო საშუალება
მაქსიმალური მასა3 500 კგ
მისაბმელი
არაუმეტეს 750 კგ ნებადართული მაქსიმალური მასის მქონე მისაბმელი დასაშვებია ნებისმიერ შემთხვევაში. თუ 750 კგ-ზე მეტია, მაშინ ორი პირობა უნდა შესრულდეს:
- მისაბმელის ნებადართული მაქსიმალური მასა არ უნდა აღემატებოდეს ავტომობილის დაუტვირთავ მასას
- ავტომობილის და მისაბმელის ჯამური ნებადართული მაქსიმალური მასა არ უნდა აღემატებოდეს 3 500 კგ-ს
თუ რომელიმე პირობა ირღვევა, საჭიროა BE კატეგორია.
თუ უკვე გაქვს მართვის მოწმობა
თეორიის გამოცდის ჩაბარება არ დაგჭირდება, თუ:
- —B1 ქვეკატეგორია გაქვს (თარიღის შეზღუდვის გარეშე)
- —A კატეგორია ან A1 ქვეკატეგორია მიღებული გაქვს 2014 წლის 15 დეკემბრამდე
- —C კატეგორია მიღებული გაქვს 2012 წლის 1 აგვისტომდე
თეორიული გამოცდა
B კატეგორია მოიცავს ჯამში 898 ბილეთს. გამოცდაზე მოგივა 30 ბილეთი, ჩასაბარებლად საჭიროა 25 სწორი პასუხი, ანუ 5 შეცდომის დაშვების უფლება გაქვს. გამოცდაზე დრო 30 წუთი გაქვს.
მოედნის გამოცდა
საგამოცდო მოედანზე შესასრულებელი ელემენტები:
გამოცდა იწყება 100 ქულით. ჩაბარებულად ჩაითვლება, თუ კანდიდატი დააგროვებს მინიმუმ 61 ქულას.
სად ბარდება გამოცდები
გამოცდები ბარდება მომსახურების სააგენტოს შემდეგ ფილიალებში:
- სხვადასხვა გამოცდა შეგიძლია სხვადასხვა ქალაქში ჩააბარო.
- ახალქალაქში ბარდება მხოლოდ მოედნის გამოცდა.
- თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
კატეგორიას ავტომატურად მოჰყვება:
ხშირად დასმული კითხვებიFAQ
1.რა არის B კატეგორია?
B კატეგორია არის მართვის მოწმობის კატეგორია, რომელიც მოიცავს მსუბუქ ავტომობილს, რომლის ნებადართული მაქსიმალური მასა არ აღემატება 3 500 კგ-ს და დასასხდომი ადგილების რაოდენობა, მძღოლის ადგილის გარდა, არ აღემატება 8-ს.
საგზაო მოძრაობის კანონი — მუხლი 54, ნაწილი 2 „გ“ | №598 ბრძანება — მუხლი 4, ნაწილი 1 „გ“
2.აუცილებელია რომ რომელიმე კატეგორია უკვე მქონდეს, რათა B კატეგორია ავიღო?
არ არის აუცილებელი. B კატეგორიას წინაპირობა არ აქვს.
№598 ბრძანება — მუხლი 6, ნაწილი 1 „ა“
3.B კატეგორიით მსუბუქი ავტომობილის გარდა რისი მართვა შემიძლია?
ავტომატიკის შემთხვევაში - AM კატეგორია; მექანიკის შემთხვევაში - AM კატეგორია, B1 ქვეკატეგორია და თვლიანი სასოფლო-სამეურნეო ტრაქტორი ნებადართული მაქსიმალური მასით 4 250 კგ-მდე (მისაბმელით ან მისაბმელის გარეშე).
№598 ბრძანება — მუხლი 6, ნაწილი 3; მუხლი 6¹, ნაწილი 4
4.რა განსხვავებაა ავტომატიკის და მექანიკის მართვის მოწმობებს შორის?
B მექანიკის შემთხვევაში უფლება გაქვს მართო ნებისმიერი გადაცემათა კოლოფის მქონე მსუბუქი ავტომობილი. B ავტომატიკის შემთხვევაში უფლება გაქვს მართო მხოლოდ ავტომატური გადაცემათა კოლოფის მქონე ავტომობილი (ავტომატიკა, ტიპტრონიკი, ვარიატორი და ა.შ.)
№598 ბრძანება — მუხლი 6¹, ნაწილი 3
5.მაქვს B ავტომატიკა - მექანიკაზე როგორ გადავიდე?
ავტომატიკის მართვის მოწმობით მექანიკის მართვა აკრძალულია. მექანიკის მართვის უფლების მოსაპოვებლად არის რამდენიმე გზა: მექანიკაზე B კატეგორიის პრაქტიკული გამოცდების ჩაბარება; მექანიკაზე BE კატეგორიის პრაქტიკული გამოცდების ჩაბარება; ამ კატეგორიების აღება: C, C1, D, D1.
№598 ბრძანება — მუხლი 6¹, ნაწილი 3 და 6
6.მაქვს B ავტომატიკა და მინდა, რომ B1 ქვეკატეგორია ცალკე ავიღო, ასე შევძლებ მექანიკის ტარებას?
არა. მექანიკური გადაცემათა კოლოფის მქონე ავტომობილის სამართავად აუცილებელია გქონდეს მექანიკური გადაცემათა კოლოფის მქონე ავტომობილზე ჩაბარებული მოედნისა და ქალაქის გამოცდები. B1 ქვეკატეგორიის (კვადროციკლი) ცალკე აღებით მართვის მოწმობის დოკუმენტში დამატებით კი ჩაგეწერება B1, მაგრამ მას განსხვავებული კოდი ექნება (მართვის მოწმობის კატეგორიებს უნიკალური კოდები აქვთ).
№598 ბრძანება — მუხლი 6¹, ნაწილი 6
7.რამდენი ლარით დავჯარიმდები თუ ავტომატიკის მართვის მოწმობით ვმართავ მექანიკას?
200 ლარით.
ადმინისტრაციულ სამართალდარღვევათა კოდექსი — მუხლი 119, ნაწილი 6
8.შემიძლია Ford Transit ან Mercedes Sprinter ვმართო B კატეგორიის მართვის მოწმობით?
დამოკიდებულია ავტომობილის ნებადართულ მაქსიმალურ მასაზე და ადგილების რაოდენობაზე. Transit/Sprinter-ის უმეტესობა 3 500 კგ-ს არ სცდება და მაქს. 8 ადგილი აქვთ (მძღოლის გარდა) — აქედან გამომდინარე ისინი B კატეგორიას ეკუთვნიან. თუ 3,5 ტ-ზე მეტი მასა აქვს → C1 ან C. თუ ადგილების რაოდენობა 8-ზე მეტია → D1 ან D.
საგზაო მოძრაობის კანონი — მუხლი 54, ნაწილი 2 „გ“, „დ“, „ე“ | №598 ბრძანება — მუხლი 4
9.მაქსიმუმ რა სიჩქარით შემიძლია მოძრაობა?
დასახლებულ პუნქტში 60 კმ/სთ, დაუსახლებელ პუნქტში 90 კმ/სთ, ავტომაგისტრალზე 110 კმ/სთ.
საგზაო მოძრაობის კანონი — მუხლი 33, ნაწილი 6 და 7
10.რამდენი წლით გაიცემა B კატეგორიის მართვის მოწმობა?
B კატეგორიის მართვის მოწმობა გაიცემა 15 წლის ვადით.
№598 ბრძანება — მუხლი 41, ნაწილი 1 „ბ.ა“
11.მართვის მოწმობაზე ვადა გამივიდა, როგორ მოვიქცე?
მართვის მოწმობაზე ვადის გასვლის შემდეგ მისი შეცვლა შესაძლებელია გამოცდების ჩაბარების გარეშე, მომსახურების სააგენტოს ნებისმიერ ფილიალში.
შსს მომსახურების სააგენტო