მართვის მოწმობის კატეგორიები
მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-ს №598 ბრძანებისა და საგზაო მოძრაობის კანონის მიხედვით.
სატრანსპორტო საშუალება
მაქსიმალური მასა3 500 კგ-ზე მეტი, მაქს. 7 500 კგ
მისაბმელი
არაუმეტეს 750 კგ ნებადართული მაქსიმალური მასის მქონე მისაბმელი C1 ქვეკატეგორიით დასაშვებია ნებისმიერ შემთხვევაში.
თუ მისაბმელის ნებადართული მაქსიმალური მასა 750 კგ-ს აღემატება, საჭიროა C1E ქვეკატეგორია ან CE კატეგორია.
თუ უკვე გაქვს მართვის მოწმობა
თეორიის გამოცდის ჩაბარება არ დაგჭირდება, თუ:
- —D კატეგორია ან D1 ქვეკატეგორია მიღებული გაქვს 2014 წლის 15 დეკემბრამდე
თეორიული გამოცდა
C1 ქვეკატეგორია მოიცავს ჯამში 913 ბილეთს. გამოცდაზე მოგივა 35 ბილეთი, ჩასაბარებლად საჭიროა 32 სწორი პასუხი, ანუ 3 შეცდომის დაშვების უფლება გაქვს. გამოცდაზე დრო 35 წუთი გაქვს.
მოედნის გამოცდა
საგამოცდო მოედანზე შესასრულებელი ელემენტები:
გამოცდა იწყება 100 ქულით. ჩაბარებულად ჩაითვლება, თუ კანდიდატი დააგროვებს მინიმუმ 61 ქულას.
სად ბარდება გამოცდები
გამოცდები ბარდება მომსახურების სააგენტოს შემდეგ ფილიალებში:
- სხვადასხვა გამოცდა შეგიძლია სხვადასხვა ქალაქში ჩააბარო.
- თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
ხშირად დასმული კითხვებიFAQ
1.რა არის C1 კატეგორია?
C1 ქვეკატეგორია არის მართვის მოწმობის კატეგორია, რომელიც უფლებას გაძლევს მართო ავტომობილი, რომლის ნებადართული მაქსიმალური მასა აღემატება 3 500 კგ-ს, მაგრამ არ აღემატება 7 500 კგ-ს. გამონაკლისია ავტომობილი, რომელიც D1 ან D კატეგორიას მიეკუთვნება, ანუ მგზავრთა გადასაყვანად განკუთვნილი 8-ზე მეტადგილიანი.
№598 ბრძანება — მუხლი 4, ნაწილი 2 „დ“
2.აუცილებელია რომელიმე კატეგორია უკვე მქონდეს, რათა C1 ქვეკატეგორია ავიღო?
დიახ, აუცილებელია გქონდეს B კატეგორიის მართვის მოწმობა. C კატეგორიისგან განსხვავებით, ერთწლიანი სტაჟი აქ საჭირო არ არის.
№598 ბრძანება — მუხლი 17, ნაწილი 1
3.C1 ქვეკატეგორიით მისაბმელის გადაბმა შეიძლება?
დიახ, მაგრამ მისაბმელის ნებადართული მაქსიმალური მასა 750 კგ-ს არ უნდა აღემატებოდეს. თუ მისაბმელის ნებადართული მაქსიმალური მასა 750 კგ-ზე მეტია, საჭიროა C1E ქვეკატეგორია ან CE კატეგორია.
№598 ბრძანება — მუხლი 4, ნაწილი 1 „დ“, „ზ“;, ნაწილი 2 „დ“, „ვ“
4.C1 ქვეკატეგორიით სატვირთოს გარდა კიდევ რისი მართვა შემიძლია?
თვლიანი სასოფლო-სამეურნეო ტრაქტორის, რომლის ნებადართული მაქსიმალური მასა 8 250 კგ-ს არ აღემატება, მისაბმელთან ერთადაც, თუ შემადგენლობის ჯამი 8 250 კგ-ს არ აღემატება. ტრაქტორის მართვის უფლება მხოლოდ საქართველოში მოქმედებს.
№598 ბრძანება — მუხლი 17, ნაწილი 4
5.C1 ქვეკატეგორიით სატვირთოს ძარით მგზავრების გადაყვანა შეიძლება?
არა. ძარით მგზავრთა გადაყვანის უფლებას კანონი მხოლოდ C კატეგორიის მართვის მოწმობის მფლობელს ანიჭებს.
№598 ბრძანება — მუხლი 7, ნაწილი 5
6.მაქსიმუმ რა სიჩქარით შემიძლია მოძრაობა?
დასახლებულ პუნქტში 60 კმ/სთ, დაუსახლებელ პუნქტში 70 კმ/სთ, ავტომაგისტრალზე 80 კმ/სთ. იგივე, რაც C კატეგორიაზე.
საგზაო მოძრაობის კანონი — მუხლი 33
7.ზუსტად 3 500 კგ-ზე ავტომობილი ჯერ ისევ B კატეგორიაა?
დიახ. თუ ავტომობილის ნებადართული მაქსიმალური მასა არის ზუსტად 3 500 კგ, მაშინ იგი მიეკუთვნება B კატეგორიას. ასევე აუცილებელია, რომ ავტომობილის დასასხდომი ადგილების რაოდენობა 8-ს არ აღემატებოდეს (მძღოლის გარდა).
№598 ბრძანება — მუხლი 4, ნაწილი 1 „გ“
8.რამდენი წლით გაიცემა C1 ქვეკატეგორიის მართვის მოწმობა?
C1 ქვეკატეგორიის მართვის მოწმობა გაიცემა 5 წლის ვადით.
№598 ბრძანება — მუხლი 41, ნაწილი 1 „გ.ა“
9.მართვის მოწმობაზე ვადა გამივიდა, როგორ მოვიქცე?
მართვის მოწმობაზე ვადის გასვლის შემდეგ მისი შეცვლა შესაძლებელია გამოცდების ჩაბარების გარეშე, მომსახურების სააგენტოს ნებისმიერ ფილიალში.
შსს მომსახურების სააგენტო