მთავარ შიგთავსზე გადასვლა

მართვის მოწმობის კატეგორიები

მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-⁠ს №598 ბრძანებისა და საგზაო მოძრაობის კანონის მიხედვით.

T კატეგორია სასოფლო-სამეურნეო ტრაქტორი

მინიმალური ასაკი
17 წელი
რა ბარდება
მხოლოდ თეორია
წინაპირობა
არ აქვს

სატრანსპორტო საშუალება

კატეგორიის ტიპითვლიანი/მუხლუხა ტრაქტორი
დანიშნულებასასოფლო, სამელიორაციო, სატყეო სამუშაო
მაქს. მასაშეუზღუდავი
მართვის მოწმობის ვადა15 წელი
ავტოსკოლის ცნობასავალდებულოა

მისაბმელი

T კატეგორიის მართვის მოწმობით მისაბმელის გადაბმა დასაშვებია.

მიუხედავად იმისა, რომ თავად კატეგორია მისაბმელის მასას ზედა ზღვარს არ უწესებს, ეს არ ნიშნავს, რომ ნებისმიერი მისაბმელი ნებისმიერ ტრაქტორს გადაებმება. მისაბმელის მასის ზედა ზღვარი განისაზღვრება ტრაქტორის ქარხანა-დამამზადებლის მიერ და მისი გადაჭარბება T კატეგორიის მართვის მოწმობითაც დაუშვებელია.

რკინიგზის გადასასვლელი

კანონი რკინიგზის გადასასვლელზე ორ დამატებით აკრძალვას აწესებს, რომელიც პირდაპირ სასოფლო-სამეურნეო და საგზაო-სამშენებლო ტექნიკას ეხება:

  • —აკრძალულია იმ სასოფლო-სამეურნეო, საგზაო-სამშენებლო და სხვა მანქანებისა და მექანიზმების არასატრანსპორტო მდგომარეობაში გადატანა, რომლებმაც შეიძლება დააზიანონ რკინიგზის გადასასვლელი ან შეაფერხონ მასზე მოძრაობა.
  • —რკინიგზის ლიანდაგის დისტანციის უფროსის ნებართვის გარეშე აკრძალულია ტრაქტორის მარხილ-სათრეველას, აგრეთვე ნელმავალი სატრანსპორტო საშუალების მოძრაობა, რომლის სიჩქარე არ აღემატება 8 კმ/⁠სთ-ს.

თეორიული გამოცდა

T კატეგორია მოიცავს ჯამში 884 ბილეთს. გამოცდაზე მოგივა 30 ბილეთი, ჩასაბარებლად საჭიროა 27 სწორი პასუხი, ანუ 3 შეცდომის დაშვების უფლება გაქვს. გამოცდაზე დრო 30 წუთი გაქვს.

27 სწორი პასუხი3 შეცდომა

სად ბარდება გამოცდა

გამოცდა ბარდება მომსახურების სააგენტოს შემდეგ ფილიალებში:

  • თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
T

კატეგორიას ავტომატურად მოჰყვება:

კატეგორიები:

T კატეგორია — ვრცლად

რა არის T კატეგორია

T კატეგორია იძლევა სასოფლო-სამეურნეო, სამელიორაციო ან სატყეო სამუშაოების შესასრულებლად განკუთვნილი თვლიანი ან მუხლუხა ტრანსპორტის მართვის უფლებას (მაგალითად ტრაქტორი, კომბაინი).

T კატეგორიის მქონე პირს ასევე უფლება აქვს ტრაქტორს მისაბმელი გადააბას.

T კატეგორიის გარეშე ტრაქტორის მართვა

T კატეგორიის გარდა, ტრაქტორის მართვის უფლება ასევე გაქვს B, C1 ან C კატეგორიის მართვის მოწმობის ფლობის შემთხვევაშიც. თითოეულს აქვს ნებადართული მაქსიმალური მასის ზღვარი:

  • B კატეგორიით — არაუმეტეს 4 250 კგ ტრაქტორი (მექანიკის შემთხვევაში)
  • C1 ქვეკატეგორიით — არაუმეტეს 8 250 კგ ტრაქტორი
  • C კატეგორიით — არაუმეტეს 12 000 კგ ტრაქტორი

აღსანიშნავია, რომ B, C1, C კატეგორიებით მხოლოდ თვლიანი ტრაქტორის მართვის უფლება გაქვს (და არა მუხლუხასი; ან კომბაინის) და ეს უფლება მხოლოდ საქართველოს ტერიტორიაზე მოქმედებს.

T კატეგორიით კი ნებისმიერი ტრაქტორის მართვის უფლება გაქვს განურჩევლად მასისა და ტიპისა (თვლიანი, მუხლუხა).

T კატეგორიის გამოცდა და მიღების პირობები

T კატეგორია გაიცემა 17 წლიდან და წინაპირობა არ აქვს — სხვა კატეგორიის ფლობა საჭირო არ არის. ავტოსკოლის ცნობა („ძირი“) სავალდებულოა.

T-⁠ზე ბარდება მხოლოდ თეორიის გამოცდა — არც მოედანი, არც ქალაქი. ჯამში შედის 884 ბილეთი; გამოცდაზე მოგივა შემთხვევითობის პრინციპით არჩეული 30 ბილეთი, რომლებიდანაც მინიმუმ 27-⁠ს უნდა გასცე სწორი პასუხი — ანუ მხოლოდ 3 შეცდომის დაშვების უფლება გაქვს. გამოცდის დრო 30 წუთია. T კატეგორიის თეორიის გამოცდა ბარდება მომსახურების სააგენტოს (თბილისის გარდა).

ცნობისთვის, T და S კატეგორიებზე თეორიის მასალა ერთი და იგივეა, თუმცა ორივე კატეგორია ცალ-ცალკე უნდა აიღო (ანუ გამოცდის ერთხელ ჩაბარებით ორივეს ერთდროულად ვერ აიღებ).

ჯავშნის გაუქმების შესახებ — თუ ჯავშანს გამოცდის დაწყებამდე სულ მცირე 72 საათით ადრე გააუქმებ, მომდევნო ჯავშანზე შეზღუდვა არ დაწესდება. ხოლო თუ 72 საათზე გვიან გააუქმებ ან გამოცდაზე საერთოდ არ გამოცხადდები, ახლიდან გასვლას წინა ჯავშნის დღიდან 7 დღის შემდეგ შეძლებ.

T კატეგორიის გამოცდების საფასური

საფასური
თეორია — პირველი გასვლა55 ლარი
თეორია — ყოველი მომდევნო გასვლა40 ლარი

სხვა:

T კატეგორიის მართვის მოწმობით ასევე შეგიძლია მართო AM კატეგორიის ტრანსპორტი.

მუხლუხა ტექნიკით საერთო სარგებლობის საავტომობილო გზების შავსაფარიან (ასფალტიან) სავალ ნაწილსა და გვერდულებზე მოძრაობა აკრძალულია. მუხლუხა ტექნიკა დანიშნულების ადგილამდე ტრალით გადაჰყავთ (სპეციალური სატვირთო ავტომობილის მისაბმელით).

რკინიგზის გადასასვლელზე აკრძალულია სასოფლო-სამეურნეო ტექნიკის არასატრანსპორტო (სამუშაო) მდგომარეობაში გადატანა, თუ მას შეუძლია რკინიგზის გადასასვლელის დაზიანება ან მასზე მოძრაობის შეფერხება. აგრეთვე, რკინიგზის ლიანდაგის დისტანციის უფროსის (ზედამხედველის) ნებართვის გარეშე აკრძალულია:

  • ტრაქტორის მარხილ-სათრეველას მოძრაობა
  • ისეთი ტრაქტორით მოძრაობა, რომლის კონსტრუქციული სიჩქარე არ აღემატება 8 კმ/⁠სთ-ს

გზაზე მაქსიმალური სიჩქარეა 40 კმ/⁠სთ როგორც დასახლებულ, ისე დაუსახლებელ პუნქტში. ავტომაგისტრალზე ტრაქტორით მოძრაობა აკრძალულია.

T კატეგორიის მართვის მოწმობა გაიცემა 15 წლის ვადით. ვადის გასვლის შემდეგ მართვის მოწმობის შეცვლა გამოცდების ჩაბარების გარეშეა შესაძლებელი, მომსახურების სააგენტოს ნებისმიერ ფილიალში.

ხშირად დასმული კითხვებიFAQ

1.

რა არის T კატეგორია?

T კატეგორია არის მართვის მოწმობის კატეგორია, რომელიც უფლებას გაძლევს მართო სასოფლო-სამეურნეო, სამელიორაციო ან სატყეო სამუშაოების შესასრულებლად განკუთვნილი თვლიანი ან მუხლუხა ტრაქტორი.

საგზაო მოძრაობის კანონი — მუხლი 5 | №598 ბრძანება — მუხლი 4, ნაწილი 1 „ი“

2.

ტრაქტორის მასას მნიშვნელობა აქვს თუ T კატეგორია მაქვს?

არა, თუ გაქვს T კატეგორიის მართვის მოწმობა, უფლება გაქვს მართო ნებისმიერი მასის ტრაქტორი.

№598 ბრძანება — მუხლი 4, ნაწილი 1 „ი“

3.

აუცილებელია რომელიმე კატეგორია უკვე მქონდეს, რათა T კატეგორია ავიღო?

არ არის აუცილებელი. T კატეგორიას წინაპირობა არ აქვს.

№598 ბრძანება — მუხლი 12, ნაწილი 1

4.

შემიძლია ტრაქტორს მისაბმელი გადავაბა?

დიახ. T კატეგორიის მართვის მოწმობით უფლება გაქვს ნებისმიერი მასის მისაბმელი გადააბა ტრაქტორს. კანონით მისაბმელის მასა არ იზღუდება, თუმცა მისაბმელის მასის მაქსიმალურ ზღვარს ადგენს კონკრეტული ტრაქტორის ქარხანა-დამამზადებელი და ამ ზღვარის გადაჭარბება T კატეგორიის მართვის მოწმობითაც აკრძალულია.

№598 ბრძანება — მუხლი 4, ნაწილი 1 „ი“

5.

ტრაქტორის სამართავად აუცილებელია T კატეგორიის მართვის მოწმობა მქონდეს?

არ არის აუცილებელი. T კატეგორია გაძლევს ნებისმიერი ტიპის/მასის ტრაქტორის მართვის უფლებას; B,C1,C კატეგორიები კი მხოლოდ თვლიანი ტრაქტორის მართვის უფლებას გაძლევს და ასევე მასით ზღუდავენ:

კატეგორიანებადართული მაქსიმალური ზღვარი
B კატეგორია (მექანიკა)4 250 კგ
C1 ქვეკატეგორია8 250 კგ
C კატეგორია12 000 კგ

B,C1,C კატეგორიების შემთხვევაში ტრაქტორის მართვის უფლება მხოლოდ საქართველოში მოქმედებს. T კატეგორია მასის შეზღუდვის გარეშეა და მუხლუხა ტრაქტორსაც მოიცავს.

საგზაო მოძრაობის კანონი — მუხლი 56, ნაწილი 9–12 | №598 ბრძანება — მუხლი 6¹, ნაწილი 4

6.

მაქსიმუმ რა სიჩქარით შემიძლია მოძრაობა?

დასახლებულ პუნქტში 40 კმ/⁠სთ, დაუსახლებელ პუნქტში 40 კმ/⁠სთ. ავტომაგისტრალზე ტრაქტორის მოძრაობა აკრძალულია.

საგზაო მოძრაობის კანონი — მუხლი 33, ნაწილი 8 „ა“; მუხლი 38, ნაწილი 1 „ა“

7.

ტრაქტორით რკინიგზის გადასასვლელზე გავლა შეიძლება?

დიახ, თუმცა გარკვეული პირობების დაცვით. აკრძალულია იმ სასოფლო-სამეურნეო, საგზაო-სამშენებლო და სხვა მანქანების არასატრანსპორტო მდგომარეობაში გადატანა, რომლებმაც შეიძლება დააზიანონ გადასასვლელი ან შეაფერხონ მასზე მოძრაობა. ასევე, რკინიგზის ლიანდაგის დისტანციის უფროსის ნებართვის გარეშე აკრძალულია ტრაქტორის მარხილ-სათრეველას მოძრაობა.

საგზაო მოძრაობის კანონი — მუხლი 39, ნაწილი 2 „გ“, „დ“

8.

რამდენი წლით გაიცემა T კატეგორიის მართვის მოწმობა?

T კატეგორიის მართვის მოწმობა გაიცემა 15 წლის ვადით.

№598 ბრძანება — მუხლი 41, ნაწილი 1 „ბ.ა“

9.

მართვის მოწმობაზე ვადა გამივიდა, როგორ მოვიქცე?

მართვის მოწმობაზე ვადის გასვლის შემდეგ მისი შეცვლა შესაძლებელია გამოცდების ჩაბარების გარეშე, მომსახურების სააგენტოს ნებისმიერ ფილიალში.

შსს მომსახურების სააგენტო

1.

T კატეგორიაზე რომელი გამოცდები ბარდება?

მხოლოდ თეორია. მოედნისა და ქალაქის გამოცდები არ ბარდება.

№598 ბრძანება — მუხლი 12, ნაწილი 1

2.

რამდენი ბილეთი შედის T კატეგორიის თეორიის გამოცდაში?

ჯამში შედის 884 ბილეთი. გამოცდაზე მოგივა შემთხვევითობის პრინციპით არჩეული 30 ბილეთი, რომლებიდანაც მინიმუმ 27-⁠ს უნდა გასცე სწორი პასუხი, ანუ მხოლოდ 3 შეცდომის დაშვების უფლება გაქვს. გამოცდის დრო — 30 წუთი.

№598 ბრძანება — მუხლი 28

3.

სად ბარდება T კატეგორიის თეორიის გამოცდა?

მომსახურების სააგენტოს ნებისმიერ ფილიალში (თბილისის გარდა).

შსს მომსახურების სააგენტო

4.

17 წლიდან შემიძლია ავიღო T კატეგორიის მართვის მოწმობა?

დიახ, T კატეგორია სწორედ 17 წლიდან გაიცემა.

№598 ბრძანება — მუხლი 12, ნაწილი 2

5.

ავტოსკოლის ცნობა მჭირდება გამოცდაზე გასასვლელად?

დიახ, T კატეგორიის გამოცდებზე გასასვლელად ავტოსკოლის ცნობა („ძირი“) სავალდებულოა.

შსს მომსახურების სააგენტო

6.

არასრულწლოვანი ვარ — რა საბუთები მჭირდება გამოცდაზე?

17 წლის კანდიდატს გამოცდაზე დასაშვებად სჭირდება: პირადობის დამადასტურებელი დოკუმენტი, ჯანმრთელობის მდგომარეობის შესახებ ცნობა (ფორმა №IV-100/ა), ავტოსკოლის მიერ გაცემული საბუთი, მოქმედი მართვის მოწმობა (თუ გაქვს) და დაბადების მოწმობა (დედანი ან ნოტარიულად დამოწმებული ასლი). ამასთან, გამოცდაზე უნდა გამოცხადდე მშობელთან ერთად ან წარადგინო მშობლის ნოტარიულად დამოწმებული თანხმობა.

საგზაო მოძრაობის კანონი — მუხლი 57 | შსს მომსახურების სააგენტო

7.

სრულწლოვანი ვარ — რა საბუთები მჭირდება გამოცდაზე?

სრულწლოვან კანდიდატს გამოცდაზე დასაშვებად სჭირდება: პირადობის დამადასტურებელი დოკუმენტი, ჯანმრთელობის მდგომარეობის შესახებ ცნობა (ფორმა №IV-100/ა), ავტოსკოლის მიერ გაცემული საბუთი და მოქმედი მართვის მოწმობა (თუ გაქვს).

შსს მომსახურების სააგენტო

8.

T კატეგორიის თეორიის გამოცდაზე ჩავიჭერი - როდის შევძლებ ხელახლა გასვლას?

თეორიის გამოცდაზე ხელახლა გასვლა შეგიძლია ჩაჭრიდან 7 დღის შემდეგ. ყოველი შემდეგი გასვლის საფასური 40 ლარია. გაითვალისწინე: თუ დაჯავშნილ დღეს გამოცდაზე არ გამოცხადდები და ჯავშანს 72 საათით ადრე არ გააუქმებ, მომდევნო ჯავშანს ვერ აიღებ წინა ჯავშნის დღიდან 7 კალენდარული დღის განმავლობაში.

№598 ბრძანება — მუხლი 26, ნაწილი 7; მუხლი 21¹, ნაწილი 8 | შსს მომსახურების სააგენტო

9.

თეორიის გამოცდის ჯავშნის გაუქმება შემიძლია?

დიახ. თუ ჯავშანს გამოცდის დაწყებამდე სულ მცირე 72 საათით ადრე გააუქმებ, მომდევნო ჯავშანზე შეზღუდვა არ დაწესდება. ხოლო თუ 72 საათზე გვიან გააუქმებ ან გამოცდაზე საერთოდ არ გამოცხადდები, ახლიდან გასვლას წინა ჯავშნის დღიდან 7 დღის შემდეგ შეძლებ.

№598 ბრძანება — მუხლი 21¹, ნაწილი 8

10.

T და S კატეგორიებზე ერთი გამოცდით ორივეს ავიღებ?

არა. თეორიის ბილეთები T და S კატეგორიებზე იდენტურია, თუმცა ერთი ჩაბარებით მხოლოდ ერთ კატეგორიას იღებ. ორივე კატეგორიის მისაღებად ორჯერ უნდა ჩააბარო თეორიის გამოცდა.

№598 ბრძანება — მუხლი 12; მუხლი 13 | შსს მომსახურების სააგენტო