მართვის მოწმობის კატეგორიები
მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-ს №598 ბრძანებისა და საგზაო მოძრაობის კანონის მიხედვით.
ტექნიკური შეზღუდვები
მოწმობა და ცნობა
თუ უკვე გაქვს მართვის მოწმობა
თეორიის გამოცდის ჩაბარება არ დაგჭირდება, თუ:
- —B კატეგორია მიღებული გაქვს 2014 წლის 15 დეკემბრამდე
- —A2 ქვეკატეგორია გაქვს (თარიღის შეზღუდვის გარეშე)
- —A1 ქვეკატეგორია გაქვს (თარიღის შეზღუდვის გარეშე)
თეორიული გამოცდა
A კატეგორია მოიცავს ჯამში 736 ბილეთს. გამოცდაზე მოგივა 30 ბილეთი, ჩასაბარებლად საჭიროა 27 სწორი პასუხი, ანუ 3 შეცდომის დაშვების უფლება გაქვს. გამოცდაზე დრო 30 წუთი გაქვს.
მოედნის გამოცდა
საგამოცდო მოედანზე შესასრულებელი ელემენტები:
გამოცდა იწყება 100 ქულით. ჩაბარებულად ჩაითვლება, თუ კანდიდატი დააგროვებს მინიმუმ 61 ქულას.
სად ბარდება გამოცდები
გამოცდები ბარდება მომსახურების სააგენტოს შემდეგ ფილიალებში:
- სხვადასხვა გამოცდა შეგიძლია სხვადასხვა ქალაქში ჩააბარო.
- თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
კატეგორიას ავტომატურად მოჰყვება:
ხშირად დასმული კითხვებიFAQ
1.რა არის A კატეგორია?
A კატეგორია არის მართვის მოწმობის კატეგორია, რომელიც უფლებას გაძლევს მართო ნებისმიერი ტიპის მოტოციკლი.
საგზაო მოძრაობის კანონი — მუხლი 54, ნაწილი 2 „ბ“ | №598 ბრძანება — მუხლი 4, ნაწილი 1 „ბ“
2.შემიძლია 1000 კუბიანი მოტოციკლის მართვა A კატეგორიის მართვის მოწმობით?
დიახ, A კატეგორიით უფლება გაქვს მართო ნებისმიერი კუბატურის მქონე მოტოციკლი.
საგზაო მოძრაობის კანონი — მუხლი 54, ნაწილი 2 „ბ“ | №598 ბრძანება — მუხლი 4, ნაწილი 1 „ბ“
3.კვადროციკლი შედის A კატეგორიაში?
კვადროციკლს სჭირდება B1 ქვეკატეგორია, თუმცა არსებობს გამონაკლისი — მსუბუქი კვადროციკლი (AM კატეგორია). ვინაიდან A კატეგორია მოიცავს AM კატეგორიას, მსუბუქი კვადროციკლი AM კატეგორიაში შედის, ამიტომ მისი მართვის უფლება ავტომატურად გექნება.
საგზაო მოძრაობის კანონი — მუხლი 5, ნაწილი 27 და 47; მუხლი 54, ნაწილი 3 „გ“; მუხლი 56, ნაწილი 8⁴ | №598 ბრძანება — მუხლი 5, ნაწილი 3 „ა“
4.აუცილებელია რომ რომელიმე კატეგორია უკვე მქონდეს, რათა A კატეგორია ავიღო?
არ არის აუცილებელი. A კატეგორიას წინაპირობა არ აქვს.
№598 ბრძანება — მუხლი 5, ნაწილი 1 „ა“
5.A კატეგორიით მოტოციკლის გარდა რისი მართვა შემიძლია?
A კატეგორიით უფლება გაქვს მართო: AM კატეგორიის, A1 ქვეკატეგორიის, A2 ქვეკატეგორიის ტრანსპორტი; და ასევე ნებისმიერი სიმძლავრის მქონე ტრიციკლი.
საგზაო მოძრაობის კანონი — მუხლი 56, ნაწილი 8¹ და 8³ | №598 ბრძანება — მუხლი 5, ნაწილი 3
6.გვერდითი ეტლი A კატეგორიაზე რაიმეს ცვლის?
არა — ეტლიანი მოტოციკლი კანონით მაინც ორთვლიან მოტოციკლად ითვლება. ტრიციკლად რომ ჩაითვალოს, სამივე თვალი სიმეტრიულად უნდა იყოს განლაგებული.
საგზაო მოძრაობის კანონი — მუხლი 5, ნაწილი 44 და 82
7.მაქსიმუმ რა სიჩქარით შემიძლია მოძრაობა?
დასახლებულ პუნქტში 60 კმ/სთ, დაუსახლებელ პუნქტში 80 კმ/სთ, ავტომაგისტრალზე 80 კმ/სთ.
საგზაო მოძრაობის კანონი — მუხლი 33, ნაწილი 6 და 7 „ა“
8.რამდენი წლით გაიცემა A კატეგორიის მართვის მოწმობა?
A კატეგორიის მართვის მოწმობა გაიცემა 15 წლის ვადით.
№598 ბრძანება — მუხლი 41, ნაწილი 1 „ბ.ა“
9.მართვის მოწმობაზე ვადა გამივიდა, როგორ მოვიქცე?
მართვის მოწმობაზე ვადის გასვლის შემდეგ მისი შეცვლა შესაძლებელია გამოცდების ჩაბარების გარეშე, მომსახურების სააგენტოს ნებისმიერ ფილიალში.
შსს მომსახურების სააგენტო