მართვის მოწმობის კატეგორიები
მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-ს №598 ბრძანებისა და საგზაო მოძრაობის კანონის მიხედვით.
ტექნიკური შეზღუდვები
მოწმობა და ცნობა
თუ უკვე გაქვს მართვის მოწმობა
თეორიის გამოცდის ჩაბარება არ დაგჭირდება, თუ:
- —A1 ქვეკატეგორია გაქვს (თარიღის შეზღუდვის გარეშე)
- —B კატეგორია მიღებული გაქვს 2014 წლის 15 დეკემბრამდე
თეორიული გამოცდა
A2 ქვეკატეგორია მოიცავს ჯამში 736 ბილეთს. გამოცდაზე მოგივა 30 ბილეთი, ჩასაბარებლად საჭიროა 27 სწორი პასუხი, ანუ 3 შეცდომის დაშვების უფლება გაქვს. გამოცდაზე დრო 30 წუთი გაქვს.
მოედნის გამოცდა
საგამოცდო მოედანზე შესასრულებელი ელემენტები:
გამოცდა იწყება 100 ქულით. ჩაბარებულად ჩაითვლება, თუ კანდიდატი დააგროვებს მინიმუმ 61 ქულას.
სად ბარდება გამოცდები
გამოცდები ბარდება მომსახურების სააგენტოს შემდეგ ფილიალებში:
- სხვადასხვა გამოცდა შეგიძლია სხვადასხვა ქალაქში ჩააბარო.
- თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
ქვეკატეგორიას ავტომატურად მოჰყვება:
ხშირად დასმული კითხვებიFAQ
1.რა არის A2 კატეგორია?
A2 კატეგორია არის მართვის მოწმობის კატეგორია, რომელიც მოიცავს მოტოციკლს, რომელიც ორივე პირობას აკმაყოფილებს: სიმძლავრე მაქს. 35 კვტ, სიმძლავრის/წონის კოეფიციენტი მაქს. 0,2 კვტ/კგ. ერთის დარღვევაც საკმარისია, რომ მოტოციკლი A2 აღარ იყოს და მის სამართავად A კატეგორიის მართვის მოწმობა დაგჭირდეს. აღსანიშნავია, რომ A2 კატეგორიაზე მოტოციკლის ძრავის კუბატურა განსაზღვრული არ არის.
საგზაო მოძრაობის კანონი — მუხლი 54, ნაწილი 3 „ბ“ | №598 ბრძანება — მუხლი 4, ნაწილი 2 „ბ“
2.A2 კატეგორიაზე რას ნიშნავს 0,2 კვტ/კგ?
„კვტ/კგ“ — სიმძლავრე გაყოფილი მოტოციკლის მასაზე.
საგზაო მოძრაობის კანონი — მუხლი 5, ნაწილი 19; მუხლი 54, ნაწილი 3 „ბ“
3.აუცილებელია რომ რომელიმე კატეგორია უკვე მქონდეს, რათა A2 კატეგორია ავიღო?
არ არის აუცილებელი. A2 კატეგორიას წინაპირობა არ აქვს.
№598 ბრძანება — მუხლი 15¹, ნაწილი 1 და 2
4.შემიძლია 400 კუბიანი მოტოციკლი A2 კატეგორიით ვმართო?
ვინაიდან A2 კატეგორიაზე ძრავის კუბატურა განსაზღვრული არ არის, ამ კითხვაზე ცალსახა პასუხი არ არსებობს. მართავ თუ არა კონკრეტულ მოტოციკლს A2 კატეგორიით, ეს დამოკიდებულია მოტოციკლის სიმძლავრესა და წონაზე.
საგზაო მოძრაობის კანონი — მუხლი 54, ნაწილი 3 „ბ“
5.შემიძლია Kawasaki Ninja 400 ვმართო A2 კატეგორიის მართვის მოწმობით?
დიახ, A2 საკმარისია — მაგრამ მხოლოდ ევროპული ვერსიისთვის. Kawasaki-მ ევროპული 33,4 კვტ სწორედ ევროპული ბაზრისთვის შექმნა — სიმძლავრე ≤ 35 კვტ, წონა — 168 კგ და კვტ/კგ ≤ 0,2 (0,199 კვტ/კგ).
საგზაო მოძრაობის კანონი — მუხლი 5, ნაწილი 19; მუხლი 54, ნაწილი 3 „ბ“
6.A2 კატეგორიით მოტოციკლის გარდა რისი მართვა შემიძლია?
AM და A1 კატეგორიის ტრანსპორტის და ასევე ტრიციკლის, რომლის მაქსიმალური სიმძლავრე 15 კვტ-ს არ აღემატება.
საგზაო მოძრაობის კანონი — მუხლი 56, ნაწილი 8³ | №598 ბრძანება — მუხლი 15¹, ნაწილი 3
7.გვერდითი ეტლი A2 კატეგორიაზე რაიმეს ცვლის?
არა — ეტლიანი მოტოციკლი კანონით მაინც ორთვლიან მოტოციკლად ითვლება. ტრიციკლად რომ ჩაითვალოს, სამივე თვალი სიმეტრიულად უნდა იყოს განლაგებული.
საგზაო მოძრაობის კანონი — მუხლი 5, ნაწილი 44 და 82
8.მაქსიმუმ რა სიჩქარით შემიძლია მოძრაობა?
დასახლებულ პუნქტში 60 კმ/სთ, დაუსახლებელ პუნქტში 80 კმ/სთ, ავტომაგისტრალზე 80 კმ/სთ.
საგზაო მოძრაობის კანონი — მუხლი 33, ნაწილი 6 და 7 „ა“
9.A2 კატეგორიიდან A კატეგორიაზე გადასვლა როდის შემიძლია?
21 წლიდან, თუ A2 კატეგორია მინიმუმ 2 წელია რაც გაქვს. სხვა შემთხვევაში — 24 წლიდან.
№598 ბრძანება — მუხლი 5, ნაწილი 2
10.რამდენი წლით გაიცემა A2 კატეგორიის მართვის მოწმობა?
A2 კატეგორიის მართვის მოწმობა გაიცემა 15 წლის ვადით.
№598 ბრძანება — მუხლი 41, ნაწილი 1 „ბ.ა“
11.მართვის მოწმობაზე ვადა გამივიდა, როგორ მოვიქცე?
მართვის მოწმობაზე ვადის გასვლის შემდეგ მისი შეცვლა შესაძლებელია გამოცდების ჩაბარების გარეშე, მომსახურების სააგენტოს ნებისმიერ ფილიალში.
შსს მომსახურების სააგენტო