მართვის მოწმობის კატეგორიები
მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-ს №598 ბრძანებისა და საგზაო მოძრაობის კანონის მიხედვით.
გამოცდების სტრუქტურა
სამხედრო მოსამსახურისთვის „B“ და „C1“ ერთდროულად გაიცემა, თუმცა გამოცდები ცალ-ცალკე ბარდება თითოეულისთვის.
- —ორივე კატეგორიისთვის ბარდება ერთი საერთო თეორიული გამოცდა.
- —შემდეგ ბარდება პრაქტიკული გამოცდები — „B“ კატეგორიაზე და „C1“ ქვეკატეგორიაზე. თითოეული ორეტაპიანია: მოედანი და ქალაქი. პრაქტიკულად, ეს ოთხჯერ გასვლას ნიშნავს (ორ სხვადასხვა ავტომობილზე).
- —მოედნის ელემენტები განსხვავებულია: „B“-ზე ექვსი ელემენტია, „C1“-ზე — სამი.
- —„C1“ ქვეკატეგორიის მოედნის გამოცდაზე დაშვება მხოლოდ „B“-ს ჩაბარების შემდეგ ხდება, თეორიული გამოცდის მოქმედების ვადაში.
- —თუ „C1“-ის პრაქტიკული გამოცდა ვერ ჩაბარდა, გაიცემა მხოლოდ „B“ კატეგორიის მართვის მოწმობა.
თეორიული გამოცდა
B+C1 Mil კატეგორია მოიცავს ჯამში 1233 ბილეთს. გამოცდაზე მოგივა 40 ბილეთი, ჩასაბარებლად საჭიროა 36 სწორი პასუხი, ანუ 4 შეცდომის დაშვების უფლება გაქვს. გამოცდაზე დრო 40 წუთი გაქვს.
მოედნის გამოცდა
საგამოცდო მოედანზე შესასრულებელი ელემენტები:
გამოცდა იწყება 100 ქულით. ჩაბარებულად ჩაითვლება, თუ კანდიდატი დააგროვებს მინიმუმ 61 ქულას.
სად ბარდება გამოცდები
გამოცდები ბარდება მომსახურების სააგენტოს შემდეგ ფილიალებში:
- სხვადასხვა გამოცდა შეგიძლია სხვადასხვა ქალაქში ჩააბარო.
- ახალქალაქში ბარდება მხოლოდ მოედნის გამოცდა.
- თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
ხშირად დასმული კითხვებიFAQ
1.რა არის B+C1 Mil კატეგორია?
B+C1 Military არ არის ცალკე კატეგორია — ეს არის B კატეგორიისა და C1 ქვეკატეგორიის ერთდროულად მინიჭება სამხედრო სამსახურში (ჯარში) მყოფი მოსამსახურისთვის, სამხედრო სამსახურის ხელმძღვანელობის შუამდგომლობის საფუძველზე. ჩვეულებრივ C1 ქვეკატეგორია მხოლოდ მას მიენიჭება, ვისაც უკვე აქვს B კატეგორია. სამხედრო მოსამსახურისთვის ეს თანმიმდევრობა უქმდება და ორივე ერთდროულად მიენიჭება.
№598 ბრძანება — მუხლი 17, ნაწილი 1 და 5
2.რამდენი წლიდან გაიცემა B+C1 Mil კატეგორია?
18 წლიდან.
№598 ბრძანება — მუხლი 17, ნაწილი 3
3.B+C1 Mil კატეგორია რიგითი მოქალაქეებისთვის ხელმისაწვდომია?
არა. B+C1 Mil კატეგორიის აღება მხოლოდ სამხედრო სამსახურში მყოფ პირებს შეუძლიათ.
№598 ბრძანება — მუხლი 17, ნაწილი 5
4.რომელ ტრანსპორტს ვმართავ B+C1 Mil კატეგორიით?
მსუბუქ ავტომობილს (B) და მსუბუქ სატვირთო ავტომობილს (C1) — ორივეს ისე, როგორც ცალკეული კატეგორიის მფლობელი. სამხედრო მოსამსახურეს, სამხედრო სამსახურიდან დათხოვნამდე, ასევე უფლება აქვს მართოს თავდაცვის სამინისტროს კუთვნილი C და CE კატეგორიის ტრანსპორტი, აგრეთვე C კატეგორიის ტრანსპორტის სათანადოდ მოწყობილი ძარით გადაიყვანოს 8-ზე მეტი მგზავრი.
№598 ბრძანება — მუხლი 6; მუხლი 17, ნაწილი 6
5.B და C1 კატეგორიები სამხედრო სამსახურის შემდეგაც დამრჩება?
დიახ, B და C1 კატეგორიები სამხედრო სამსახურის დასრულების შემდეგაც დაგრჩება. რაც შეეხება თავდაცვის სამინისტროს C და CE კატეგორიების ტრანსპორტის მართვის უფლებას და ძარით 8-ზე მეტი მგზავრის გადაყვანის უფლებას — ესენი მხოლოდ სამხედრო სამსახურში ყოფნის დროს მოქმედებს.
№598 ბრძანება — მუხლი 17, ნაწილი 6