მართვის მოწმობის კატეგორიები
მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-ს №598 ბრძანებისა და საგზაო მოძრაობის კანონის მიხედვით.
სატრანსპორტო საშუალება
მაქსიმალური მასა3 500 კგ-ზე მეტი
მისაბმელი
CE კატეგორიის ფლობისას დასაშვებია ნებისმიერი მასის მქონე მისაბმელის გადაბმა — თავად კატეგორია მისაბმელის მასას ზედა ზღვარს არ უწესებს.
თუმცა ეს არ ნიშნავს, რომ ნებისმიერი მისაბმელი ნებისმიერ ავტომობილს გადაებმება. CE კატეგორიისთვის მისაბმელის მასის ზედა ზღვარი განისაზღვრება ავტომობილის ქარხანა-დამამზადებლის მიერ და მისი გადაჭარბება CE კატეგორიის მართვის მოწმობითაც დაუშვებელია.
თეორიული გამოცდა
CE კატეგორიაზე თეორია არ ბარდება, არამედ ბარდება მხოლოდ პრაქტიკა. თეორია ბარდება C კატეგორიაზე, რომელიც CE კატეგორიის წინაპირობაა.
მოედნის გამოცდა
საგამოცდო მოედანზე შესასრულებელი ელემენტები:
გამოცდა იწყება 100 ქულით. ჩაბარებულად ჩაითვლება, თუ კანდიდატი დააგროვებს მინიმუმ 61 ქულას.
სად ბარდება გამოცდები
გამოცდები ბარდება მომსახურების სააგენტოს შემდეგ ფილიალებში:
- სხვადასხვა გამოცდა შეგიძლია სხვადასხვა ქალაქში ჩააბარო.
- თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
კატეგორიას ავტომატურად მოჰყვება:
ხშირად დასმული კითხვებიFAQ
1.რა არის CE კატეგორია?
CE კატეგორია არის მართვის მოწმობის კატეგორია, რომელიც უფლებას გაძლევს მართო ავტომობილი, რომლის ნებადართული მაქსიმალური მასა აღემატება 3 500 კგ-ს. C კატეგორიისგან განსხვავებით, CE კატეგორია უფლებას გაძლევს სატვირთო ავტომობილს ნებისმიერი მასის მქონე მისაბმელი გადააბა.
№598 ბრძანება — მუხლი 4, ნაწილი 1 „ზ“
2.როდის მჭირდება CE კატეგორია?
როცა C კატეგორიის სატვირთო ავტომობილის მისაბმელის ნებადართული მაქსიმალური მასა 750 კგ-ზე მეტია.
№598 ბრძანება — მუხლი 4, ნაწილი 1 „ზ“
3.აუცილებელია რომელიმე კატეგორია უკვე მქონდეს, რათა CE კატეგორია ავიღო?
დიახ, აუცილებელია გქონდეს C კატეგორიის მართვის მოწმობა.
№598 ბრძანება — მუხლი 10, ნაწილი 1
4.CE კატეგორიით როგორი მისაბმელის გადაბმა შეიძლება?
CE კატეგორიის მართვის მოწმობით უფლება გაქვს მართო სატვირთო ავტომობილი ნებისმიერი მასის მქონე მისაბმელით. თუმცა, ყველა სატვირთო ავტომობილს ნებისმიერი ტვირთის გაწევა არ შეუძლია. მისაბმელის მასის მაქსიმალურ ზღვარს ადგენს კონკრეტული სატვირთო ავტომობილის ქარხანა-დამამზადებელი და ამ ზღვარის გადაჭარბება CE კატეგორიის მართვის მოწმობითაც აკრძალულია.
№598 ბრძანება — მუხლი 4, ნაწილი 1 „ზ“
5.CE კატეგორიით კიდევ რისი მართვა შემიძლია?
CE კატეგორიის აღების შემთხვევაში ავტომატურად გადმოგეცემა: BE კატეგორია, C1E ქვეკატეგორია. თუ D კატეგორია გაქვს, DE კატეგორიაც.
№598 ბრძანება — მუხლი 10, ნაწილი 4 და 5
6.CE კატეგორიით მგზავრების გადაყვანა შეიძლება სატვირთოს ძარით?
დიახ. CE მხოლოდ C კატეგორიის მფლობელს ენიჭება, ამიტომ ძარით მგზავრთა გადაყვანის უფლებაც გაქვს: C კატეგორიის მართვის მოწმობის მიღებიდან ერთი წლის შემდეგ ძარით შეიძლება მაქსიმუმ 8 მგზავრის გადაყვანა. თუ D კატეგორიაც გაქვს, C-ის მიღებიდან სამი წლის შემდეგ 8-ზე მეტი მგზავრის გადაყვანის უფლებაც გაქვს.
№598 ბრძანება — მუხლი 7, ნაწილი 5 და 6
7.მისაბმელში მგზავრების ყოფნა შეიძლება?
არა. მგზავრები მხოლოდ სატვირთო ავტომობილის ძარაში შეიძლება იყვნენ; მისაბმელით ან მისაბმელ-აგარაკით მგზავრების გადაყვანა აკრძალულია.
საგზაო მოძრაობის კანონი — მუხლი 46, ნაწილი 10 „ა“
8.მაქსიმუმ რა სიჩქარით შემიძლია მოძრაობა?
დასახლებულ პუნქტში 60 კმ/სთ, დაუსახლებელ პუნქტში 70 კმ/სთ, ავტომაგისტრალზე 80 კმ/სთ. იგივე, რაც C კატეგორიაზე.
საგზაო მოძრაობის კანონი — მუხლი 33, ნაწილი 6 და 7 „დ.ა“
9.ძარით მგზავრების გადაყვანისას სიჩქარე იზღუდება?
დიახ. ძარით მგზავრთა გადაყვანისას სიჩქარე ყველა გზაზე მაქსიმუმ 60 კმ/სთ-ია (ავტომაგისტრალზეც).
საგზაო მოძრაობის კანონი — მუხლი 33, ნაწილი 7 „დ.ბ“
10.რამდენი წლით გაიცემა CE კატეგორიის მართვის მოწმობა?
CE კატეგორიის მართვის მოწმობა გაიცემა 5 წლის ვადით.
№598 ბრძანება — მუხლი 41, ნაწილი 1 „გ.ა“
11.მართვის მოწმობაზე ვადა გამივიდა, როგორ მოვიქცე?
მართვის მოწმობაზე ვადის გასვლის შემდეგ მისი შეცვლა შესაძლებელია გამოცდების ჩაბარების გარეშე, მომსახურების სააგენტოს ნებისმიერ ფილიალში.
შსს მომსახურების სააგენტო