მართვის მოწმობის კატეგორიები
მართვის მოწმობის ყველა კატეგორიისა და ქვეკატეგორიის შესახებ სრული ინფორმაცია 2026 წლის მდგომარეობით — მომსახურების სააგენტოს, შსს-ს №598 ბრძანებისა და საგზაო მოძრაობის კანონის მიხედვით.
სატრანსპორტო საშუალება
მოწმობა და ცნობა
მისაბმელი
არაუმეტეს 750 კგ ნებადართული მაქსიმალური მასის მქონე მისაბმელი D1 ქვეკატეგორიით დასაშვებია ნებისმიერ შემთხვევაში.
თუ მისაბმელის ნებადართული მაქსიმალური მასა 750 კგ-ს აღემატება, საჭიროა D1E ქვეკატეგორია ან DE კატეგორია.
თუ უკვე გაქვს მართვის მოწმობა
თეორიის გამოცდის ჩაბარება არ დაგჭირდება, თუ:
- —C კატეგორია მიღებული გაქვს 2012 წლის 1 სექტემბრიდან 2014 წლის 15 დეკემბრამდე
- —C1 ქვეკატეგორია მიღებული გაქვს 2012 წლის 1 აგვისტოდან 2014 წლის 15 დეკემბრამდე
თეორიული გამოცდა
D1 ქვეკატეგორია მოიცავს ჯამში 822 ბილეთს. გამოცდაზე მოგივა 35 ბილეთი, ჩასაბარებლად საჭიროა 32 სწორი პასუხი, ანუ 3 შეცდომის დაშვების უფლება გაქვს. გამოცდაზე დრო 35 წუთი გაქვს.
მოედნის გამოცდა
საგამოცდო მოედანზე შესასრულებელი ელემენტები:
გამოცდა იწყება 100 ქულით. ჩაბარებულად ჩაითვლება, თუ კანდიდატი დააგროვებს მინიმუმ 61 ქულას.
სად ბარდება გამოცდები
გამოცდები ბარდება მომსახურების სააგენტოს შემდეგ ფილიალებში:
- სხვადასხვა გამოცდა შეგიძლია სხვადასხვა ქალაქში ჩააბარო.
- თბილისში გამოცდები არ ბარდება. თბილისთან ყველაზე ახლოს არის რუსთავის საგამოცდო ცენტრი.
ხშირად დასმული კითხვებიFAQ
1.რა არის D1 კატეგორია?
D1 ქვეკატეგორია არის მართვის მოწმობის კატეგორია, რომელიც უფლებას გაძლევს მართო მგზავრთა გადასაყვანად განკუთვნილი ავტომობილი, რომლის დასასხდომი ადგილების რაოდენობა 8-ს აღემატება (მძღოლის გარდა), მაგრამ არ აღემატება 16-ს.
№598 ბრძანება — მუხლი 4, ნაწილი 2 „ე“
2.აუცილებელია რომელიმე კატეგორია უკვე მქონდეს, რათა D1 ქვეკატეგორია ავიღო?
დიახ, აუცილებელია B კატეგორიის მართვის მოწმობა გქონდეს მინიმუმ 1 წელი. ამ ვადაში არ ჩაითვლება მართვის უფლების შეჩერებისა და ჩამორთმევის დრო.
№598 ბრძანება — მუხლი 18, ნაწილი 1
3.D1 ქვეკატეგორიით ავტობუსის/მიკროავტობუსის სიგრძეს ზღვარი აქვს?
დიახ, D1 ქვეკატეგორიით უფლება გაქვს მართო მგზავრთა გადასაყვანად განკუთვნილი ისეთი ტრანსპორტი, რომლის სიგრძე არის მაქსიმუმ 8 მეტრი.
შსს მომსახურების სააგენტო
4.D1 ქვეკატეგორიის აღება B კატეგორიის ფლობის გარეშე შეიძლება?
დიახ, მხოლოდ ერთ შემთხვევაში: თუ C კატეგორია 2012 წლის 1 აგვისტომდე გაქვს აღებული, B კატეგორიის ფლობა საჭირო აღარ არის და პირდაპირ D1 ქვეკატეგორიის გამოცდებზე გახვალ (თეორია, მოედანი, ქალაქი).
№598 ბრძანება — მუხლი 18, ნაწილი 1¹
5.D1 ქვეკატეგორიით მისაბმელის გადაბმა შეიძლება?
დიახ, მაგრამ მისაბმელის ნებადართული მაქსიმალური მასა 750 კგ-ს არ უნდა აღემატებოდეს. თუ მისაბმელის ნებადართული მაქსიმალური მასა 750 კგ-ზე მეტია, საჭიროა D1E ქვეკატეგორია.
№598 ბრძანება — მუხლი 4, ნაწილი 2 „ე“, „ზ“
6.მარშუტკის მართვა შემიძლია D1 ქვეკატეგორიით?
დიახ, თუ მარშუტკაში (მიკროავტობუსში) დასასხდომი ადგილები არის 8-ზე მეტი, მაგრამ მაქსიმუმ 16 (მძღოლის გარდა). თუ 16-ზე მეტია, მაშინ საჭიროა D კატეგორია.
№598 ბრძანება — მუხლი 4, ნაწილი 1 „ე“;, ნაწილი 2 „ე“
7.D1 თუ D - რომელი მჭირდება?
თუ მგზავრთა გადაყვანისთვის განკუთვნილ ტრანსპორტს აქვს 8-ზე მეტი და მაქსიმუმ 16 დასასხდომი ადგილი (მძღოლის გარდა), მაშინ D1 ქვეკატეგორია საკმარისია. ხოლო თუ 16-ზე მეტი ადგილია, მაშინ საჭიროა D კატეგორია.
№598 ბრძანება — მუხლი 4, ნაწილი 1 „ე“;, ნაწილი 2 „ე“
8.თუ ავტომობილს აქვს 8 დასასხდომი ადგილი (მძღოლის გარდა), მაშინ რომელი კატეგორია მჭირდება?
თუ ავტომობილს აქვს მაქსიმუმ 8 დასასხდომი ადგილი, მაშინ გჭირდება B კატეგორია, C1 ქვეკატეგორია ან C კატეგორია: თუ ავტომობილის ნებადართული მაქსიმალური მასა არის მაქსიმუმ 3 500 კგ, მაშინ B კატეგორია. თუ ავტომობილის ნებადართული მაქსიმალური მასა 3 500 კგ-ზე მეტია და მაქსიმუმ 7 500 კგ, მაშინ C1 ქვეკატეგორია, ხოლო თუ 7 500 კგ-საც აღემატება — C კატეგორია.
№598 ბრძანება — მუხლი 4, ნაწილი 1 „გ“, „დ“;, ნაწილი 2 „დ“
9.D1 ქვეკატეგორიით შესახსრებული ავტობუსის („აკორდეონი“) მართვა შემიძლია?
არა. შესახსრებული ავტობუსის — ე.წ. „აკორდეონის“ — მართვა მხოლოდ DE კატეგორიის მართვის მოწმობის მფლობელს შეუძლია.
№598 ბრძანება — მუხლი 11, ნაწილი 6
10.D1 ქვეკატეგორიით სატვირთო ავტომობილის მართვა შემიძლია?
არა. D1 ქვეკატეგორია მხოლოდ მგზავრთა გადასაყვანად განკუთვნილ ავტომობილს (ავტობუსს, მიკროავტობუსს) მოიცავს. სატვირთო ავტომობილისთვის გჭირდება C1 ან C კატეგორია.
№598 ბრძანება — მუხლი 4, ნაწილი 2 „ე“
11.მაქსიმუმ რა სიჩქარით შემიძლია მოძრაობა D1 ქვეკატეგორიის ტრანსპორტით?
დასახლებულ პუნქტში 60 კმ/სთ, დაუსახლებელ პუნქტში 80 კმ/სთ, ავტომაგისტრალზე 80 კმ/სთ.
საგზაო მოძრაობის კანონი — მუხლი 33, ნაწილი 6 და 7 „ე“
12.რამდენი წლით გაიცემა D1 ქვეკატეგორიის მართვის მოწმობა?
D1 ქვეკატეგორიის მართვის მოწმობა გაიცემა 5 წლის ვადით.
№598 ბრძანება — მუხლი 41, ნაწილი 1 „გ.ა“
13.მართვის მოწმობაზე ვადა გამივიდა, როგორ მოვიქცე?
მართვის მოწმობაზე ვადის გასვლის შემდეგ მისი შეცვლა შესაძლებელია გამოცდების ჩაბარების გარეშე, მომსახურების სააგენტოს ნებისმიერ ფილიალში.
შსს მომსახურების სააგენტო