ტექნიკურ ნაკეთობას ეწოდება მუშაუნარიანი, თუ მას შეუძლია შეასრულოს ის ფუნქცია, რომელიც ტექნიკური დოკუმენტაციის მოთხოვნებით არის დადგენილი.
მტყუნება ეწოდება მოვლენას, რომელიც იწვევს ტექნიკური ნაკეთობის მუშაუნარიანობის დაკარგვას.
საიმედობა წარმოადგენს მანქანის თვისებას, შეინარჩუნოს მოცემული ფუნქციის შესრულების უნარი საექსპლოატაციო მაჩვენებლების შეცვლის გარეშე.
მანქანის გამოსადეგობის ვადა წარმოადგენს მანქანის ექსპლოატაციის კალენდარულ ხანგრძლივობას იმ მომენტამდე, როცა მისი ტექნიკური დოკუმენტაციით განსაზღვრული პარამეტრები აღწევს ზღვრულ მნიშვნელობას.
მანქანათა ტექნიკური მომსახურება წარმოადგენს ოპერაციათა გარკვეულ ერთობლიობას რომელთა ჩატარებაც უზრუნველყოფს მანქანის მუშაუნარიანობის შენარჩუნებას.
გამოყენებული ენერგიის წყაროს მიხედვით სასოფლო-სამეურნეო აგრეგატი შეიძლება იყოს თბური, ელექტრული, ჰიდრავლიკური და საჭაპანე.
ტრაქტორების და ავტომობილების ტექწნიკური მომსახურების სისტემაში შედის: დიაგნოსტიკა, ყოველი ცვლის, პერიოდული და სეზონური ტექნიკური მომსახურება.
ტრაქტორების ტექნიკური დიაგნოსტიკა წარმოადგენს მათი ტექნიკური მდგომარეობის დადგენის პროცესს დაუშლელად.
მანქანათა სისტემების ოპტიმიზაციის ამოცანის მიზანს წარმოადგენს მოცემული პირობებისათვის ისეთი მანქანათა სისტემის შერჩევა, რომელიც უზრუნველყოფს მოცემული პროდუქციის წარმოებას, ისე, რომ რომელიმე კრიტერიუმი მიაღწევს მინიმალურ მნიშვნელობას.
ტექნოლოგიური მანქანების ხვედრით წინააღმდეგობაზე მოქმედებენ შემდეგი ფაქტორები: ა. ბუნებრივ-კლიმატური; ბ. კონსტრუქციული; გ. საექსპლოატაციო;
ძრავის ძირითად მახასიათებლებს წარმოადგენენ: ეფექტური სიმძლავრე, მაბრუნი მომენტი, საწვავი კამერის მოცულობა, საწვავის საათური ხარჯი და საწვავის ხვედრითი ხარჯი.
აგრეგატის მანევრულობა ითვალისწინებს: ა. მოხვევის უნარს; ბ. მოძრაობის მდგრადობას; გ. მართვადობას; დ. გამავლობას.
მუშა სვლების მიმართულების მიხედვით აგრეგატის მოძრაობის სახეებია: მაქოსებრი, კომბინირებული და საქცევური.
მანქანათა ტექნიკური დათვალიერება (შემოწმება) წარმოადგენს მანქანის ტექნიკური მდგომარეობის გამოკვლევის პროცესს კვანძების დაშლის გარეშე, რის საფუძველზედაც კეთდება დასკვნა მანქანის ფაქტიური ტექნიკური მდგომარეობის შესახებ.
საერთაშორისო სტანდარტით ტრაქტორებს უტარდებათ ყოველი ცვლის, პერიოდული და სეზონური ტექნიკური მომსახურება, მიმდინარე რემონტი და კაპიტალური რემონტი.