მართვის მოწმობის მოქმედების ვადა

მართვის მოწმობის მოქმედების ვადა დამოკიდებულია სატრანსპორტო საშუალების კატეგორიასა და ქვეკატეგორიაზე.

​

​

მართვის მოწმობის მოქმედების ვადები:

• 15 წელი: AM, A, B, BE, T, S, A1, A2, B1 კატეგორიებისა და ქვეკატეგორიების მართვის მოწმობები.

• 5 წელი: C, CE, D, DE, C1, C1E, D1, D1E და ტრამვაის კატეგორიებისა და ქვეკატეგორიების მართვის მოწმობები.

• 3 წელი: საერთაშორისო მართვის მოწმობა (მიუხედავად მინიჭებული კატეგორიისა).

​​​​​​​

​

მართვის მოწმობები, რომლებიც გამოცვლას ექვემდებარებიან:​

1. 2006 წლის 1 აპრილამდე გაცემული მართვის მოწმობებს იურიდიული ძალა ამოეწურათ 2018 წლის 1 აპრილს.

2. 2006 წლის 1 აპრილიდან 2014 წლის 1 მარტამდე გაცემული „C“, „CE“, „D“, „DE“, „C1“, „C1E“, „D1“ და „D1E“ კატეგორიების მართვის მოწმობები:
   იურიდიული ძალა ამოეწურათ 2019 წლის 1 მარტს.

3. 2006 წლის 1 აპრილიდან 2014 წლის 1 მარტამდე გაცემული „A“, „B“, „BE“, „T“, „S“, „A1“ და „B1“ კატეგორიების მართვის მოწმობები:
   მოქმედების იურიდიული ძალა შეუნარჩუნდებათ 2028 წლის 1 სექტემბრამდე.

​​​​

​

როგორ ხდება მართვის მოწმობის შეცვლა ვადის ამოწურვის შემდეგ?

მართვის მოწმობის მოქმედების ვადის ამოწურვის შემდეგ, მისი შეცვლა შესაძლებელია მართვის უფლების მისაღები გამოცდების ჩაბარების გარეშე. ვადაგასული მართვის მოწმობების გამოცვლა შესაძლებელია მომსახურების სააგენტოს ყველა ფილიალში და მათი გაცემა ან შეცვლა რამდენიმე წუთში სრულდება.

​

მართვის მოწმობის შესაცვლელად საჭიროა:

• პირადობის დამადასტურებელი მოწმობა

• არსებული მართვის მოწმობა

• ჯანმრთელობის მდგომარეობის ცნობა (ფორმა IV-100/ა)

• გადახდის ქვითარი

​

თუ მოწმობა დაკარგულია და გსურთ მისი აღდგენა, საჭიროა მხოლოდ:

• პირადობის მოწმობა

• ჯანმრთელობის მდგომარეობის ცნობა (ფორმა IV-100/ა)

• გადახდის ქვითარი

​

ფასები ასე ნაწილდება:

• შეცვლა — 15 ლარი

• აღდგენა — 35 ლარი​​​​​

​

​

რჩევა: თუ თქვენი მართვის მოწმობის ვადა იწურება ან უკვე ამოიწურა, გირჩევთ დროულად მიმართოთ მომსახურების სააგენტოს, რათა თავიდან აირიდოთ პრობლემები და შეუფერხებლად გააგრძელოთ მართვის უფლებით სარგებლობა.